Blog

Nga Adela Bezaiti 

Kudo flitet për ekonominë, per arsimin e shëndetësinë, për sistemin elektoral, parlamentin e reformen në drejtesi, por askush ose pakkush flet me zë  te larte e me shqetesim për sigurine ushqimore dhe  mjedisore.

Unë mendoj se per te qene te afte të mendojme dhe te marrim pjese ne jeten e perditshme, aq me shume ne politike, duhet te ushqehemi patjeter ne menyre sasiore dhe cilesore si dhe të jetojme ne nje mjedis te paster e jo vrases.

Nga viti 2008 dhe deri në këto zgjedhje që po vijnë , Shqipëria po vuan nga mungesa e përfaqesimit të drejtëperdrejtë politik. Kjo vjen për shkak të sisitemit elektoral zgjedhor të cilin partitë e vjetra e kanë përshtatur sipas orekseve të tyre dhe në funksion te kryetarëve. Sot nëse do të bëhesh përfaqesues politik , do të shkosh në parlament,aty ku duhet të jesh I miri I kryetarit, servil I tij apo duhet të kesh para për tu vendosur në vendet e para të listave për kandidat per deputet, që deri më sot I kanë zgjedhur kryetarët e partive politike. Kjo I ka ndihmuar dhe kriminelët, të paaftet e të koruptuarit të shkojnë në parlament jo nëpërmjet votës së drejtpërdrejtë qytetare por për shkak të emrit në listë.

 Kush paguan më shumë e ka vendin e sigurt, e kush paguan më pak bëhet drejtor. E për ti kënaqur të gjithë ata që paguajnë nxorrën dhe skemën e re relative : Kush mban post qeveritar duhet të lërë mandatin e deputetit. Shqiptarët sot nuk votojnë as per Presidentin, as per Parlamentin ,as per Kryeministrin, as per Deputetin por votojnë vetëm për partinë dhe Kryetarin e saj . Sistemin tonë e kanë kthyer nga Demokraci në Partitokraci. Ne e dimë te gjithe se ditën që shkojmë të votojmë për përfaqesuesit tonë, ne kemi të drejtë të zgjedhim partinë që preferojme por jo kanidatin që duam të  na përfaqesojë. Kjo ka bërë që dhe përfaqesimi I drejtpërdrejtë të bjerë në shkallën me të ulët.

Askush nga ne nuk e di kë ka deputet për zonën e tij dhe ku duhet te përcjellë shqetësimet që ato të dëgjohen në kuvend.  

Tek LIBRA nuk mund të vazhdojë sistemi partitokratik. Si një Listë e Barabartë ne duhet të jemi të barabartë mes njeri tjetrit në Listat për kandidatët për deputetë. Nëse komisioni I Reformës Zgjedhore nuk arrin që të miratojë me marrëveshje ndryshimin e sistemit zgjedhor që të kalojmë nga Listat e Mbyllura në një sistem me Lista të Hapura,gjë  që ka shume mundësi të mos realizohet . Në LIBRA duhet të aplikohen Listat e Hapura brenda partie. Kjo është njëra nga pikat të cilat unë e kam mbeshtetur fort dhe mendoj që është tërësisht e realizueshme. E kam propozuar dhe më parë por nuk ka gjetur mbështetje, ndaj dhe për idete që une kam dhe nuk kanë gjetur mbeshtetje kam ndërmarrë këtë garë të brendshme për ta bere LIBRAN më të mirë , më të fortë më të shendetshme dhe më perfaqesuese ndaj njerëzve që na mbeshtesin. Listat e Hapura mund të aplikohen në një formë shumë të thjeshtë brenda partie : Cdo qark ta ndajmë në aq zona perfaqësuesish sa manadate deputetësh ka qarku. 

Marrim shembull Qarkun e Tiranes I cili sot nxjerr 34 mandate deputetësh. LIBRA, në baze të numrit të votuesve per zonë ta ndajë qarkun në 34 njesi, ku për secilën prej tyre të kemi një përfaqesues dhe një kandidat që mbulon zonën e tyre . E kështu në bazë të mandateve që do dalin nga numri I votave te mbledhura nga partia ,mandatet I kalojnë kandidatëve që në zonat e tyre kanë mbledhur më shume vota . Pra ,fitimi I mandatit për deputet dhe lista e deputetëve të  LIBRA nuk bëhet paraprakisht sipas deshirës së Kryetarit por bëhet pas mbarimit të zgjedhjeve në bazë të eficensës së kandidatit në zonën e tij .

Ama  lind një problem që mund ta thotë kushdo: KQZ i jep mandatin atyre që janë të parët në listën paraprake pasi Kodi Zgjedhor është me lista të mbyllura. Kjo është tërësisht e zgjidhshme me një parakontrate tek noteri që kandidatët tanë do lidhin me njëri tjetrin, cka I detyron ata të lënë mandatin në rast se nuk e perfitojnë atë me anë të numrit më të madh të votave. Në këtë mënyrë ne do tu jepnim mundësi që Lista të ishte vërtete e Barabartë dhe si numri 1 ne liste ashtu dhe numri 34 do kishin të njëjtat mundësi për të marr mandatin e deputetit. Ndryshe nuk mund të motivohen numrat e fundit. Partitë e vjetra dhe të pushtetit I motivojnë sepse ju premtojnë vende pune të mira dhe I fusin në lista ku secili prej tyre në cdo parti të Shqiperise nuk beson qe I fundit mund të dalë me mandat deputeti por investojnë dhe kontribojnë me shpresen e fitimit të pushtetit dhe shpërblimit me poste të larta. Ne nuk kemi mundësi të premtojme poste te larta as poste të ulëta , ne mund tju premtojmë vetëm liri për të votuar dhe për tu votuar duke ju dhënë shanse të barabarta të gjithëve që vendosin të përfaqësojne LIBREN në zgjedhje .

Nga Shpëtim Kadriu

Isha fëmijë në fillimin e viteve 90, një fëmijë i cili nuk kuptonte nga politika por ama arrija të perceptoja ose të paktën ashtu mendoja se diçka e mirë po vinte me ardhjen e demokracisë. 

Ashtu me këtë perceptim pozitiv kujtoj zgjedhjet e vitit 1992 kur shoqërova gjyshërit në votime sepse dëshiroja të votonin të ardhmen dhe këtë e bëra dhe në disa zgjedhje të tjera më vonë. 

Nga Ilir Sinanaj
Shumë nga problemet në ekonominë shqiptare janë të parashtruara qartësisht, dhe nëse politikanë të koalicionit “rilindje”-LSI-PD do ta kishin lexuar seriozisht këtë raport nuk do të guxonin ta përmendnin qoftë edhe njëherë të vetme, e jo më ta merrnin për bazë si vlerësim pozitiv për çfarë kanë bërë në Shqipëri.